Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 463 Hüküm no: 628 Orijinal metin no: [102b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine Hâtun bt. İlyas Ağa’nın Pervâne Vakfı’ndan ödünç aldığı Mahmiye-i Kostantıniyye mahallâtından Hâce Abbas mahallesinde sâkine olan Emine Hâtun bt. İlyas Ağa nâm hâtun meclis-i şer‘-i şerîfde hâzıre olup üzerinde ve zimmetinde, merhûm Pervâne vakfı mütevellîsi olan hâmil-i hâze’l-kitâb fahrü’l-akrân râcil Ahmed Ağa b. Yusuf’a vakf-ı mezbûr malından on iki bin akçe-i Osmânî borcu olduğunu ikrâr ve i‘tirâf etti. Bunun on bin akçesi karz cihetinden, bâkīsi olan iki bin akçe ise beynlerinde ma‘lûm, müşterâ-yı makbûz çuka bahâsındandır. Karz dışındaki meblağ zeyilde mezkûr târihden bir sene tamâmına müecceldir. Lâzımü’l-edâ ve vâcibü’l-kazâ deyndir. Dâyin-i mezbûr, vâki‘ ikrârı vicâhen ve şifâhen tasdîk etti. Cerâ zâlike ve hurrire fî evâili Muharremi’l-harâm sene selâsîn ba‘de’l-elf. Şuhûdü’l-hâl: Ali Ağa b. Abdülmennân, el-Hâc Davud, Mehmed Çelebi b. Hızır, Veli b. Hasan