Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 85 Hüküm no: 44 Orijinal metin no: [6a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Beşe b. Ali ve zevcesi Kaya bt. el-Hâc Mehmed’in evlerini istiğlâl yoluyla Abdülfettah Efendi b. Hüsameddin’e sattıkları Havâss-ı mahmiye-i Kostantıniyye mahallâtından el-Hâc İlyas mahallesi sükkânından Mehmed Beşe b. Ali ve zevcesi Kaya bt. el-Hâc Mehmed nâm kimesneler meclis-i şer‘-i şerîfde hâzırân olup âtiyyü’z-zikr menzillerini hâmil-i hâze’l-kitâb Abdülfettâh Efendi b. Hüsameddin’e bey‘ ettiklerini ikrâr ve i‘tirâf ettiler müşterî-i mezbûr da bâyi‘ân-ı mezbûrânın işbu akdin kendilerinden sudûruna kadar sâhibi ve mâlik oldukları, ellerinde ve taht-ı tasarruflarında bulundurdukları mahalle-i mezbûrede vâki‘, bir tarafdan İbrahim Çelebi mülkü, diğer tarafdan Yusuf mülkü, öteki tarafdan tarîk-i âm ve diğer tarafdan da tarîk-i hâs ile mahdûd bulunan cemî‘-i menzili cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt seksen bin riyâlî gümüş guruşa ki bir guruş yüz on beş akçe hesâbıyla on bin akçe eder kendisi için, kendi malıyla ve istiğlâl maksadıyla iştirâ etti. Bâyi‘ân-ı mezbûrânın menzili kirâlamak istemesi üzerine müşterî-i merkūm, ba‘de’t-tahliyye ve’t-tekābuz zeylde mezkûr târihden üç sene tamâmına üç bin yedi yüz elli akçe ücret ile menzil-i mezbûru kirâya verdi. Sonra bâyi‘ân-ı mezbûrânın her biri diğerinin zimmetine, menzil-i mezbûrun derkine ve ücret-i merkūmeye îcâb ve kabûlü hâvî kefâletle kefîl oldu. Tasdîk hakkı sâhibince vâki‘ ikrâr vicâhen ve şifâhen tasdîk edildi. Cerâ zâlike ve hurrire fi’l-yevmi’s-sâmin aşer min Cumâdelûlâ sene seb‘a ve erba‘în ve elf. Şuhûdü’l-hâl: Mehmed Çelebi b. İsmail, İsmail Halîfe b. İsa, Ali Beşe b. Abdullah, diğer Ali Beşe, İmâm Receb Efendi b. Abdullah