Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 226 Hüküm no: 223 Orijinal metin no: [29a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma Hatun’un ölümünden sonra malının üçte birini Medine-i Münevvere fukarasına gönderilmesi için Musli Ağa’yı vekil tayin ettiği Mahmiye-i İstanbul’da Hoca Resmî mahallesi sükkânından umdetü’l-muhadderât Fâtıma Hâtun bt. el-Hâc Mehmed Ağa tarafından husûs-ı âti’l-beyâna vekîl olduğu zâtını ma‘rifet-i şer‘iyye ile ârifân Ahmed Çelebi b. Ebûbekir ve Resul Efendi b. Mustafa nâm kimesneler şehâdetleri ile şer‘an sâbit olan fahrü’l-akrân Mehmed Ağa b. Abdülmennân meclis-i şer‘-i şerîf-i Ahmedî ve mahfil-i dîn-i münîf-i Muhammedî’de fahrü’l-akrân bâ‘is-i hâze’l-kitâb Musli Ağa b. Ahmed nâm kimesne mahzarında bi’l-vekâle ikrâr ve takrîr-i kelâm edip müvekkilem mûmâ-ileyhâ Fâtıma Hâtun bi emrillâhi te‘âlâ dâr-ı fenâdan dâr-ı bekāya intikāl ettiğimden sonra sülüs malım ifrâz ve vakf-ı lâzım ile vakf ve yed-i mütevellî ile istirbâh ve istiğlâl olunup bi fazlillâh hâsıl olan gallesi beher sene surre emîni ile Medîne-i Münevvere fukarâsına irsâl oluna deyû vasiyyet edip vasiyyet-i mezbûresini tenfîze mûmâ-ileyh Musli Ağa’yı vasiyy-i muhtâr nasb ve ihtiyâr edip ol dahi vesâyet-i mezbûreyi kabûl ve merâsimini edâya ta‘ahhüd eyledi dedikde gıbbe’t-tasdîki’l-mu‘teber mâ hüve’l-vâki‘ bi’t-taleb ketb olundu. Fi’l-yevmi’s-sânî min Cumâdelâhire li sene seb‘a ve seb‘în ve elf. Şuhûdü’l-hâl: Es-Sâbikūn.