Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 448 Hüküm no: 593 Orijinal metin no: [94b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hazret-i Ebî Eyyûb el-Ensârî vakfı ihtisabının Mustafa’ya verildiği Eyyûb el-Ensârî’de Hasköy subaşılığı Ömer Ağa’ya verile deyû buyruldu. Fî 21 Bâ‘is-i tahrîr-i hurûf budur ki makbûl-i hazret-i Bârî ve şâh ve silk-i Bârî ve alemdârı Ebî Eyyûb el-Ensârî -radiye anhu Rabbühü’l-Bârî- hazretlerinin evkāf-ı şerîfleri mahsûlâtından nefs-i medîne-i hazret-i müşârün-ileyh esvâkının ihtisâbı mahsûlü bundan akdem Mustafa nâm kimesne uhdesinde her bir senesi otuz yedi bin akçe olup beher mâh kıstü’l-yevmi olan üç bin seksen dört akçe edâ eylemek şartıyla mutasarrıf iken hâlâ hâfızü’l-hurûf ( ) vakf-ı şerîfe sa‘y zuhûra getirip her bir senesi ber vech-i maktû‘ kırk ikişer bin olmak hesâbı üzre târih-i kitâbdan üç sene tamâmına değin yüz yirmi altı bin akçe râyic fi’l-vakt olmak üzre tâlib ve râgıb olup kabûl eylemeyip ve hâlâ cânib-i vakf-ı şerîfe imtidâden ve mu‘âveneten (…) bedel-i kefâlet ber vech-i peşîn on bin nakd-i râyic fi’l-vakt teslîm edip şol şerhle kim mâh-be-mâh kıstü’l-yevmi olan üç bin beş yüz akçe cânib-i vakf-ı şerîfe edâ edip peşîn verdiği meblağ-ı merkūm tahvîl için senelerin âhirinde yine mahsûb olmak şartıyla minvâl-i meşrûh üzerine der-uhde olunup mâh-be-mâh yevmü’l-kıstı olan meblağ-ı merkūm on bin beş yüz akçeyi cânib-i vakf-ı şerîfe edâ (…) eylemek şartıyla hizmet-i ihtisâb-ı mezkûreye mutasarrıf olmak için tevliyyetim hasebiyle izin verip bu hurûf ber sebîl-i temessük tesvîd olunup yedine vaz‘ olundu ki vakt-i hâcetde ihticâc edine. Tahrîren fî evâili Cumâdelâhire li sene seb‘a ve erba‘în ve elf. El-fakīr Mustafa el-Mütevellî.