Eyüb Mahkemesi (Havass-ı Refia) 82 Numaralı Sicil (H. 1081 / M. 1670 - 1671) cilt: 29, sayfa: 190 Hüküm no: 230 Orijinal metin no: [44a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eyüp Sultan bahçıvanlar kethüdâlığının tevcihi Nişân-ı şerîf-i âlîşân budur ki İşbu râfî‘-i tevkī‘-i hümâyûn-ı hâkānî Hüseyin Dergâh-ı mu‘allâma gelip medîne-i Hazret-i Eyyûb el-Ensârî’de vâki‘ bahçeleri bostancılarında berât-ı şerîfimle kethüdâlığı bundan akdem hüccet-i şer‘iyye mûcebince berât-ı şerîfimle kendiye tevcîh olunup üzerinde olmağla müceddeden tevcîh olunmak bâbında inâyet ricâ etmeğin kaydına mürâca‘at olundukda zikr olunan kethüdâlık üzerinde olduğu mastûr ve mukayyed bulunmağın üzerinde ise müceddeden tevcîh edip bu berât-ı hümâyûn-ı izzet-makrûnu verdim ve buyurdum ki ba‘de’l-yevm mezbûr varıp, tâife-i mezbûreye olageldiği üzre kethüdâları olup hizmet-i lâzımesin bî-kusûr mer‘î ve mü’eddâ kıldıkdan sonra ol bâbda hiç âhad mâni‘ olmayıp dahl ve ta‘arruz kılmaya şöyle bileler, alâmet-i şerîfe i‘timâd kılasın. Tahrîren fî evâili şehri Şa‘bâni’l-mu‘azzam sene [10]81. Be makām-ı Edirne el-mahrûse