Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 132 Hüküm no: 154 Orijinal metin no: [36a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar’a giden cebelü ücretlerine on akçe zam yapıldığı Cümle ahâlî-i kasaba ma‘rifetiyle Gekbûze’ye giden cebelü içün kadîmî üzere beher cebelü yüz yirmi akçe olup yine ke’l-evvel yüz yirmi akçe verile lâkin Üsküdar’a giden cebelü beher cebelüsü seksen akçe olup el-hâletü hâzihi târîh-i mezkûrdan her cebelü içün on akçe dahi zam olunup doksan akçe olmak üzere huzûr-ı şer‘de nizâm verildiği işbu mahâlle şerh verildi. Fî 21 Recebi’l-ferd sene [1]183 Şuhûdü’l-hâl: Fahrü’l-akrân Hüseyin, Osman Ağa, İbrahim Odabaşı, Nalband İbrahim Ağa, Kalyoncuzâde İbrahim Beşe, Hancı Ahmed Ağa, Şehir Kethüdâsı Hüseyin Beşe, Ahmed Efendi ve gayruhum. [mühür]