Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 542 Hüküm no: 678 Orijinal metin no: [103b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gülistan bt. Abdullah’ın mehir ve nafaka hususunda eski kocası Bayezid b. Hüseyin’in zimmetini ibra etmesi Medîne-i Hazret-i Ebâ Eyyûb el-Ensârî -radiye anhu Rabbühü’l-Bârî-’de Câmi‘-i Kebîr mahallesinde sâkine Gülistan bt. Abdullah nâm hâtun meclis-i şer‘-i şerîfde zevc-i mutallıkı işbu râfi‘ü’l-vesîka Bayezid b. Hüseyin mahzarında ikrâr ve takrîr-i kelâm edip mezbûr Bayezid zevcim olup hâlâ beni tatlîk etmeğin zimmetinde mütekarrir ve ma‘kūdun-aleyh olan dört yüz akçe mehr-i müeccel hakkımı Bayezid yedinden bi’t-tamâm ve’l-kemâl ahz ve kabz eyledim ba‘de’l-yevm mehr-i müeccel hakkıma ve nafaka-i iddet ve me’ûnet-i süknâma müte‘allik da‘vâdan mezbûr Bayezid’in zimmetini ibrâ-i âmm-ı kātı‘ü’n-nizâ‘la ibrâ ve iskāt eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-ışrîn min Şevvâli’l-mükerrem li sene ihdâ ve tis‘în ve elf. Şuhûdü’l-hâl: Davud Beşe b. Veli, Ahmed b. Abdullah, Ali b. Yusuf, Mehmed b. Eyüb, Nasuh Efendi b. Abdüsselâm.