Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 544 Hüküm no: 681 Orijinal metin no: [104b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahkemenin davetine icabet etmeyen yeniçerinin zorla mahkemeye getirtilmesi İzzetlü yeniçeri ağası hazretleri birkaç def‘a fermân verilip mürâfa‘ada ihtifâ etmeğin âdem ta‘yîn olunup kapısını kırdırıp Hâslar kadısı devletlü efendi şer‘le icrâ-yı hak eyleyeler. Devletlü ve sa‘âdetlü sultânım hazretleri sağ olsun arzuhâl-i bende budur ki bu kullarınız Eyyûb Sultân’da Solakoğlu nâm kimesnenin sâkin olduğu evin nısfı benim hisse-i şâyi‘am olup yedimde olan hüccet-i şer‘iyyeler mûcebince hakkım olup üç def‘adır fermân-ı şerîfe itâ‘at etmez evde yokdur der yeniçeri olmağla izzetlü yeniçeri ağasına hitâben ve imâm ve müezzini ma‘rifetiyle evinden çıkarıp huzûr-ı şer‘a ihzâr olunup şer‘le ihkāk-ı hak olunmak bâbında fermân-ı şerîf recâ olunur bâkī fermân ve lutf [ü] ihsân devletlü ve mürüvvetlü sultânım hazretlerinin[dir.]