Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 562 Hüküm no: 709 Orijinal metin no: [108b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Küçükçekmece nahiyesinden 250 kişi çıkarılması Hâslar kadısı fazîletlü efendi hâlâ Köstemir nâm mahalde şikâr-ı hümâyûn fermân olmağın Küçükçekmece nâhiyesinden olan kurâdan sayd u şikâra kādir iki yüz elli nefer re‘âyâ ihrâc ve üzerlerine nâib ta‘yîn edip ta‘yîn olan bostânîler ile mâh-ı Zilka‘de’nin onuncu günü mahall-i mezbûrda cümlesini mevcûd ve müheyyâ edip ihmâlden ve bu bahâne ile akçe alınmakdan ihtirâz olunmalarınız ziyâde tenbîh ve te’kîd edesiz [deyû] buyruldu. Fî 11 L [Şevvâl] Sene [10]90.