Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 52 Hüküm no: 18 Orijinal metin no: [6a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’nin terekesi ve taksimi Ve ba‘de karye-i mezbûrede sâkin mezbûr Mustafa Beşe fevt olup verâseti sulbî sagīr oğlu Musa ile sulbiye kebîre kızı Âişe ve sagīr kızı Zeliha’ya münhasıra olduğu lede’ş-şer‘i’l-enver zâhir ve mukarrer oldukdan sonra sagīrân-ı mezbûrânın vâlideleri ve tesviye-i emrlerine kıbel-i şer‘den mansûbe vasiyyeleri olan Hadice bt. Abdullah nâm hatun ile mezbûre Âişe taleb ve ma‘rifetleriyle tahrîr ve takvîm olan tereke-i müteveffâ-yı mezbûrdur ki ber-vech-i âtî zikrolunur ve bâlâda zikrolunan mezbûr İbrahim ile müteveffâ-yı mezbûrun ale’l-iştirâki’s-seviy hisselerinden ber-mûceb-i defter-i kassâm-ı askerî müteveffâ-yı mezbûrun hissesine isâbet eden meblağdır ki zikrolunur. Fi’t-târîhi’l-mezbûr. 16.855 akçe Öküz 1 çift 1600 akçe İnek 2 300 akçe Düğe 1 300 akçe Buzak 1 80 akçe Saman 30 çit 1000 akçe Yulaf 50 kile 1000 akçe Arpa 40 kile 1200 akçe Döğen 1 60 akçe Burçak 2 kile 60 akçe Beledî yasdık 3 120 akçe Minder 3 120 akçe Kilim 2 120 akçe Sagīr sini 1 120 akçe Tencere ma‘a kapak 2 120 akçe Cem‘an yekûn 25.655 akçe Minhe’l-ihrâcât Resm-i âdî 600 akçe Harc-ı hüccet 450 akçe Ücret-i bargir 300 akçe Kalemiyye 150 akçe Çukadâriye 150 akçe Muhzıriyye 150 akçe Kaydiyye 40 akçe Ta‘âmiyye 50 akçe Düyûn-ı müteferrika 150 akçe Cem‘an yekûn 2140 akçe Sahhu’l-bâkī li’t-taksîmi beyne’l-verese Hissetü ibni’l-mezbûr 11.807 akçe Hissetü binti’l-mezbûre 5.903 akçe Hissetü binti’l-mezbûre 5.903 akçe