Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 64 Hüküm no: 33 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil oğlu Şatır Hasan Ağa’nın cenaze masrafları Medîne-i hazret-i Ebâ Eyyüb el-Ensârî -aleyhi rahmetü Rabbihi’l-Bârî- mahallâtından Kiremitçibaşı mahallesinde sâkin iken bundan akdem vefât eden Şatır Hasan Ağa b. Halil’in terekesinin sülüsünden vesâyetini tenfîze bâ-hüccet-i şer‘iyye vasiyy-i muhtârı olan İbrahim Ağa b. Mehmed’in ber-mûceb-i defter-i kassâm-ı askerî tereke-i müteveffâ-yı mezbûrdan kabz eylediği ve masârıfı defteridir ki ber-vech-i âtî zikrolunur. Fi’l-yevmi’l-ışrîn min-Şevvâli’l-mükerrem li-sene tis‘a ve ışrîn ve mi’e ve elf 1129. Vasiyy-i mezbûrun ber-mûceb-i defter-i kassâm-ı askerî sülüsünden makbûzu Meblağ 60.000 Minhe’l-masârıf ber-mûceb-i vasiyet İskāt-ı salât 6000 akçe Tabut iştirâsına 1200 akçe Gassâle 600 akçe Su koyanlara ücret 600 akçe Ud ve gül suyu iştirâsına 600 akçe Telkīn için imâma verilen 600 akçe Ta‘mîr-i kabir için ve başı ve ayağı ucuna taş iştirasına 6.000 akçe Ber-mûceb-i vasiyet üçünde ve yedisinde ve kırkında it‘âm-ı fukarâ için 8000 akçe Müteveffâ-yı mezbûrun kız karındaşı Saliha Hatun ber-mûceb-i vasiyet verilen 12.000 akçe Müteveffâ-yı mezbûrun ammisi Mehmed Çelebi’ye ber-mûceb-i vasiyet verilen 6.000 akçe Müteveffâ-yı mezbûrun mu‘takı İsmail’e ber-mûceb-i vasiyet verilen 6.000 akçe Vakıf olmak için iki nefer kimesneye kelâm-ı kadîm hediyesi için ber-mûceb-i vasiyet verilen 2.000 akçe Hafr-ı kabir için ve medfen için arz iştirasına 1200 akçe Tasdîk için kızı Âişe Hatun’un aldığı 2400 akçe Ma‘rifet-i şer‘ ile fukarâya tevzî‘ olunan 2000 akçe Yevm-i vefâtda it‘âm-ı fukarâ için masrûf 2000 akçe Hîn-i fevtinde tevhîd eden fukarâya verilen 1600 akçe Harc-ı defter 600 akçe Kâtibiyye 300 akçe Muhzıriyye ve hüddâmiye ve kayd-ı defter 300 akçe Cem‘an yekûn 60.000 akçe Bâlâda zikrolunan meblağ-ı mezbûr altmış bin akçeden vasiyy-i mezbûr İbrahim Ağa yedinden ve zimmetinde bir akçe ve bir habbe bâkī kalmayıp vech-i şer‘î üzere tahlîf olunduğu bu mahalle şerh verildi.