Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 258 Hüküm no: 208 Orijinal metin no: [72a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Ali Efendi b. Receb’in kızının vasisinin üzerine hasbi nâzır tayini Medîne-i hazret-i Ebâ Eyyüb Ensârî -aleyhi rahmetü Rabbihü’l-Bârî-’de Câmi‘-i Kebîr mahallesinde sâkin iken bundan akdem vefât eden el-Hâc Ali Efendi b. Receb b. Abdullah’ın sulbiye sagīre kızı Emine’nin tesviye-i umûruna bâ-hüccet-i şer‘iyye vasiyy-i mansûbu olan li-eb er karında[şı] Mehmed Efendi’nin üzerine hasbî nâzır lâzım ve mühim olmağın emânet ile ma‘rûf ve diyânet ile mevsûf her vechile nezâret uhdesinden gelmeğe kādir idiği zeyl-i kitâbda muharrerü’l-esâmî Müslimîn haberleriyle lede’ş-şer‘i’l-enver zâhir ve mukarrer olan sagīr-i mezbûre Emine’nin li-eb er karındaşları işbu râfi‘u’l-kitâb İbrahim Efendi ve Abdürrezzak Çelebi’yi hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi vasiyy-i mezbûr Mehmed Efendi’nin üzerine hasbî nâzır nasb ve ta‘yîn buyurduklarında onlar dahi nezâret-i mezbûreyi kabûl ve hizmet-i lâzımesin kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketbolundu. Fi’l-yevmi’s-sâbi‘ min-şehr-i Rebî‘i’l-evvel li-sene ihdâ ve selasîn ve mi’e ve elf Şuhûdü’l-hâl: Mustafa Efendi hatîb-i Nişancı, Süleyman Efendi imâm-ı Şehzâde, Ahmed Efendi el-imâm, İsmail Efendi b. el-Hâc Osman, Osman b. Mehmed Bey, Mehmed Çelebi b. İbrahim, Hüseyin Ağa b. Abdullah, es-Seyyid Mustafa b. Sefer, es-Seyyid Süleyman b. es-Seyyid Mehmed ve gayruhüm.