Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 119 Hüküm no: 77 Orijinal metin no: [27b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sadabad köyü ahalisinden Hatice Hatun bt. Mehmed’in terekesi Havâss-ı Refî‘a kazâsına tâbi‘ Sadâbad nâm karyede sâkin iken bundan akdem vefât eden Hadîce Hatun bt. Mehmed’in verâseti zevc-i metrûkü Ahmed Ağa b. Ali ile vâlidesi Rukiye Hatun bt. Şa‘bân’a ve sadrî kebîr oğlu Mustafa ve sadriye sagīre kızı Âişe bt. Abdullah’a ve sadrî sagīr oğlu Ebûbekir’e ve sagīre kızı Havva bt. mezbûr Ahmed Ağa’ya münhasıra olduğu şer‘an zâhir ve müte‘ayyin oldukdan sonra sagīre-i mezbûre Âişe’nin ceddesi ve tesviye-i umûruna vasiyyesi olan mezbûre Rukiye Hatun ile kezâlik sagīrân-ı mezbûrân Ebûbekir ve Havva’nın babaları ve tesviye-i emirlerine vasîleri olan mezbûr Ahmed Ağa ve Mustafa taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikrolunur. Fi’l-yevmi’s-sânî ve’l-işrîn min-Şevvali’l-mükerrem li-seneti seb‘a ve erba‘în ve miete ve elf. Minder 4 [aded] 2.230 akçe Yastık gılâfı 9 [aded] 1.200 akçe Şilte 2 [aded] 427 akçe Yemenî yorgan 3 [aded] 930 akçe Orta keçesi 1.200 akçe Köhne anteri 99 akçe Çuka cübbe 500 akçe Köhne anteri 75 akçe Çuka anteri 550 akçe Köhne sincab kürk 600 akçe Alaca anteri 380 akçe Beyaz anteri 2 [aded] 300 akçe Bohça 180 akçe Köhne hatâyî bohça 1 [aded] 60 akçe Şalî şalvar 1 [aded] 420 akçe Beyaz şalvar 240 akçe Serpûş 1 [aded] 72 akçe Dokuma peşkir 240 akçe Çuka ferâce 1.600 akçe Yemenî mak‘ad 3 [aded] 1.200 akçe Döşeme ma‘a havlu makrama 200 akçe Çatma yastık 9 [aded] 3.600 akçe Sepet sandık 1 [aded] 110 akçe Tencere 4 [aded] ma‘a kapak 4 [aded] 546 akçe Sahan 4 [aded] ma‘a kapak 3 [aded] 300 akçe Lengerî 4 [aded] 120 akçe Sagīr sahan ma‘a kapak 60 akçe Sagīr tas 30 akçe Kefçe 51 akçe Tâbe 1 [aded] 81 akçe Kefçe tâbesi 30 akçe Hoşâb tası 90 akçe Leğen ma‘a ibrik 300 akçe Sini 1 [aded] 360 akçe Beledî döşek 250 akçe Cem‘an yekûn 18.631 akçe Minhe’l-ihrâcât Resm-i âdî 459 akçe Karye-i mezbûra giden kâtibe ücret 180 akçe Huddâmiye ve çukadâriye 90 akçe Harc-ı hüccet-i vesâyet 120 akçe Dellâliye-i eşyâ 370 akçe Düyûn-ı müteferrika-i müsbet 120 akçe Cem‘an yekûn 1.339 akçe Sahhu’l-bâkī li’t-taksîm beyne’l-verese 17.292 akçe Hissetü’z-zevci’l-mezbûr 4.323 akçe Hissetü’l-ümmi’l-mezbûre 2.882 akçe Hissetü’l-ibnü’l-mezbûr 3.362 akçe Hissetü’l-ibnü’l-mezbûr 3.362 akçe Hissetü’l-binti’l-mezbûre 1.681 akçe Hissetü’l-binti’l-mezbûre 1.681 akçe