Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 122 Hüküm no: 80 Orijinal metin no: [28b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahri Yusuf Bey b. Ali’nin küçük çocukları İbrahim ve Feyzullah’a vasî tayini Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Musa Çavuş mahallesinde sâkin iken bundan akdem vefât eden Bahri Yusuf Bey b. Ali’nin sulbî sagīr oğulları İbrahim ve Feyzullah’ın tesviye-i emirlerine kıbel-i şer‘den bir vasî nasb[ı] lâzım ve mühim olmağın emânet ile ma‘rûfe ve diyânet ile mevsûfe, her vechile vesâyet uhdesinden gelmeğe kādire idüği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan sagīrân-ı mezbûrânın vâlideleri işbu râfi‘atü’l-kitâb [Hadice] Hatun bt. Abdi’yi hâkim-i muvakkı‘-ı sadr-ı kitâb -tûbâ lehû ve hüsnü-meâb- efendi hazretleri sagīrân-ı mezbûrânın tesviye-i emirlerine vasî nasb ü ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımelerini kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâlis-aşer min-Recebi’l-mürecceb li-seneti seb‘a ve erba‘în ve miete ve elf. Şuhûdü’l-hâl: Hüseyin Ağa b. Mustafa, Ahmed Çelebi b., Mustafa Efendi b. Hüseyin, Ahmed Çelebi b. Ali, Ahmed Efendi b. Mustafa.