Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 221 Hüküm no: 162 Orijinal metin no: [55a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye Hatun bt. Hüseyin’in terekesi Medîne-i hazret-i Ebî Eyüb el-Ensârî -aleyhi rahmetü Rabbihi’l-Bârî-de Otakcıbaşı mahallesinde sâkine iken bundan akdem vefât eden Rukiye Hatun bt. Hüseyin’in verâseti zevc-i metrûkü Abdullah Çelebi b. Mehmed’e ve sadrî sagīr oğlu Hüseyin’e münhasıra olduğu şer‘an zâhir ve müte‘ayyin oldukdan sonra sagīr-i mezbûrun tesviye-i umûruna kıbel-i şer‘den mansûb vasîsi olan Abdülbaki b. Ali ile vâlidesi mezbûr Abdullah Çelebi taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikrolunur. Fi’l-yevmi’r-râbi‘-aşer min-Cumâdelâhir li-seneti semân ve erba‘în ve miete ve elf. Kelâm-ı Kadîm 1 [aded] 550 akçe Birgili Risâlesi 1 [aded] 120 akçe Köhne anteri 1 [aded] 60 akçe Köhne yorgan 1 [aded] 160 akçe Def‘a köhne yorgan 1 [aded] 140 akçe Köhne minder 1 [aded] 170 akçe Def‘a köhne yorgan 1 [aded] 140 akçe Beledî döşek 1 [aded] 200 akçe Def‘a köhne yastık 4 [aded] 350 akçe Def‘a köhne döşek 1 [aded] ma‘a çarşeb 1 [aded] 150 akçe Köhne yeşil ferâce 1 [aded] 240 akçe Def‘a köhne ferâce 1 [aded] 60 akçe İnci kuşak 600 akçe Köhne bohça 1 [aded] 12 akçe Sagīr tencere 2 [aded] ma‘a kapak 1 [aded] 300 akçe Kırmızı ihrâm 1 [aded] 70 akçe Leğen 1 [aded] ma‘a ibrik 1 [aded] 210 akçe Tencere 1 [aded] ma‘a kapak 1 [aded] 200 akçe Tâbe 1 [aded] 90 akçe Tuc sahan 5 [aded] 138 akçe Sini 1 [aded] 300 akçe Sagīr bakır sahan 3 [aded] 90 akçe Sagīr tas 1 [aded] ma‘a lengerî 4 [aded] 93 akçe Sagīr tepsi 1 [aded] 120 akçe Kebîr lengerî 2 [aded] 230 akçe Kurada ibrik 2 [aded] 50 akçe Kefgir 1 [aded] ma‘a kefçe 1 [aded] 180 akçe Kahve ibriği 2 [aded] 120 akçe Maşraba 1 [aded] 130 akçe Bakraç 1 [aded] 170 akçe Kahve ibriği 1 [aded] ma‘a hamam tası 45 akçe Şam‘dân 1 [aded] 15 akçe Def‘a şam‘dân 1 [aded] 12 akçe Sepet sandık 1 [aded] 100 akçe Yekûn 5.615 akçe <> Sagīr-i mezbûr içün alıkonulan eşyâdır ki ber-vech-i âtî zikrolunur. Yastık 1 [aded] ma‘a minder 1 [aded] 200 akçe Yorgan 2 [aded] ma‘a çarşeb 1 [aded] 300 akçe Köhne ihrâm 1 [aded] 60 akçe Sahan 2 [aded] ma‘a tencere 1 [aded] ma‘a kapak 1 [aded] 200 akçe Çarşeb 1 [aded] 100 akçe Yekûn 860 akçe Cem‘an yekûn 6.475 akçe Minhe’l-ihrâcât İskāt-ı salât ve eyyâm-ı mu‘tâdede tabh-ı ta‘âm ve it‘âm-ı fukarâ ber-mûceb-i vasiyyet 600 akçe Resm-i âdî 150 akçe Kalemiye-i kâtib 70 akçe Çukadâriye ve huddâmiye 60 akçe Harc-ı hüccet-i vesâyet ve nafaka 260 akçe Dellâliye-i eşyâ 130 akçe Düyûn-ı müteferrika ve masârif-i lâzıme-i müsbet 117 akçe Kaydiye-i defter 18 akçe Cem‘an yekûn 1.405 akçe Sahhu’l-bâkī li’t-taksîm beyne’l-verese 5.070 akçe Hissetü’z-zevci’l-mezbûr 1.267 akçe Hissetü’l-ibnü’l-mezbûr 3.803 akçe Müteveffât-ı mezbûre Rukiye Hatun zevc-i mezbûr Abdullah Çelebi zimmetinde mütekarrir ve ma‘kūdün-aleyh altı yüz akçe mehr-i müeccelini hâl-i hayatında zevc-i mezbûr Abdullah Çelebi’ye hîbe eylediğini vasî muvâcehesinde şühûd-i udûl ile isbât eylediği işbu mahalle şerh verildi.