Eyüp Mahkemesi 163 Numaralı Sicil (H. 1147-1149 / M. 1734-1736) cilt: 67, sayfa: 250 Hüküm no: 190 Orijinal metin no: [64b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rumeli Kazaskeri Mehmed Salim Efendi tarafından Havass-ı Refîa kazası Askerî Kassamlığı’na 1 Ramazan 1148 tarihi itibarıyla yapılan görevlendirme Sa‘âdetlü, fazîletlü ( ) efendi hazretlerinin huzûr-ı pür-hubûrları savb-ı mekârim-evbine hezâr ikrâm ve ihtirâm birle dürer-i du‘â ve gurer-i senâ müthaf u mühdâ kılınıp hâtırı [hâtır-ı] âtırları istihbâr olunmak zımnında münhâ-yı muhlisîdir ki: İşbu sene semân ve erba‘în ve miete ve elf Ramazanü’l-mübâreki gurresinden kalem-rev-i zîr-i hükûmetleri olan Havâss-ı Refî‘a kazâsının umûr-ı kısmet-i askeriyyesi tarafımızdan cenâb-ı âlîlerine tefvîz ve sipâriş olunmuşdur. Gerekdir ki: Vâki‘ olan mevtâ-yı askeriyye muhallefâtını beyne’l-verese bi’l-farîzati’ş-şer‘iye tahrîr ve taksîm ettirmeleri me’mûldür. Bâkī der-i mesned-i sa‘âdet ü izzet dâim bâd. El-muhlisu’l-fakīr Mehmed Sâlim El-kādı bi-asâkiri Rumeli