Eyüp Mahkemesi 175 Numaralı Sicil (H. 1157-1159 / M. 1745-1746) cilt: 71, sayfa: 53 Hüküm no: 7 Orijinal metin no: [3a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hirsane bt. Yorgi’nin ölümüyle oğlu Nikola’ya Manol v. Makrinit’in vasi tayin edilmesi Havâss-ı Refîʻa kazâsına tâbi‘ Litros nâm karyede mütemekkin iken bundan akdem hâlike olan Hirsane bt. Yorgi nâm Nasrâniye’nin sadrî sagīr oğlu Nikola’nın tesviye-i umûruna kıbel-i şer‘den bir vasî nasbı lâzım ve mühim olmağın emânet ile ma‘rûf ve her vechile vesâyet uhdesinden gelmeğe kādir idiği zeyl-i kitâbda muharrerü’l-esâmî Müslimîn ihbârıyla lede’ş-şer‘i’l-enver zâhir ve mukarrer olan sagīr-i mezbûrun babası işbu râfiʻü’s-sifr Manol v. Makrinit’i hâkim-i muvakki‘-ı sadr-ı kitâb tûbâ-lehû ve hüsnü-meâb efendi hazretleri sagīr-i mezbûrun tesviye-i umûruna vasî nasb u ta‘yîn buyurduklarında ol dahi ber-vech-i muharrer vesâyet-i mezbûreyi kabûl ve hizmet-i lâzımesin kemâ-yenbagī edâya taʻahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’r-râbiʻ aşer min-Muharremi’l-harâm li-sene semân ve hamsîn ve mi’e ve elf. Şuhûdü’l-hâl: es-Seyyid Mehmed Ağa b. es-Seyyid Mustafa, el-Hâc İbrahim b. Ali, Ömer Çelebi b. Ali, Ahmed Efendi b. Mustafa ve gayruhum. Gogo v. ( ), Yorgi v. Yani, Dimo v. Yani, Yanaki v. Hıristo, Aleksandır v. Yani.