Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 175 Hüküm no: 188 Orijinal metin no: [20b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahveci Mehmed’in kendisini bıçakla yaralayan Osman ile bedeli karşılığında anlaştığı Maʻrûz; Medîne-i Eyüb’de Otakçılar’da sâkin Kahveci Mehmed nâm kimesne meclis-i şerʻ-i hatîrde işbu bâʻisü’l-iʻlâm Kalyoncu Osman nâm kimesneden mezbûr Osman târîh-i iʻlâmdan bir gün mukaddem baʻde’l-asr mahalle-i mezbûrede vâkiʻ dükkânında sekerân olduğu hâlde âlet-i cârihadan bıçak ile bi-gayr-ı hakkın amden sol omzundan ve sol elinin baş parmağı yanından darb ve cerh edip mûcib-i şerʻîsini daʻvâ eyledikde ol dahi baʻde’l-inkâr müddeʻâsını iki nefer şuhûd-ı udûlle baʻde’l-isbât mezbûr Kahveci Mehmed bâ-vesâtet-i muslihîn otuz üç guruş bedel-i makbûza sulh olup cerh-i mezkûra ve mâ-yahdesü minhuya müteʻallika âmme-i deʻâvîden mezbûr Kalyoncu Osman’ın zimmetini ibrâ-i âmm ile ibrâ ve iskāt edip katʻ-ı nizâʻ etdikleri <> medîne-i mezbûre mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sânî aşer min-Cemâziyelevvel sene sittin ve miʼe ve elf.