Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 368 Hüküm no: 605 Orijinal metin no: [59b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf Beşe b. Halil’in borcunu ödemesi Maʻrûz; Medîne-i Eyüb’de Çömlekciler sûkunda Kassab Mehmed b. el-Hâc Hüseyin nâm kimesne medîne-i mezbûre mahkemesinde meclis-i şerʻ-i hatîre ihzâr etdirdiği Yusuf Beşe b. Halil nâm kimesne muvâcehesinde mezbûr Yusuf Beşe zimmetinde maʻlûmü’l-kıyye lahm-ı ganem semeninden on dört guruş bir rubʻ hakkım olmağla taleb ederim deyü baʻde’d-daʻvâ ve’l-ikrâr alâ-mûcib-i ikrârihi cihet-i mezbûreden meblâğ-ı merkūm on dört guruş bir rubʻun edâsına mezbûr Yusuf Beşe’ye tenbîh olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 28 min-Recebi’l-ferd sene 1161