Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 376 Hüküm no: 620 Orijinal metin no: [61a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Osman ve karısı Hatice Hatun’un Ayşe Hatun ile aralarındaki menzil ücret ve kirâsından meydana gelen anlaşmazlığın çözümlendiği Maʻrûz; Medîne-i Ebâ Eyüb el-Ensârî’de Düğmeciler Mahallesi sâkinlerinden sâhib-i arzuhâl el-Hâc Osman asâleten zevcesi Hatice’nin müseccel vekîli Attâr Mehmed Çelebi vekâleten derûn-ı arzuhâlde mastûratü’l-ism Âişe Hatun tarafından tasdîka sâbitü’l-vekâle vekîli Ahmed Ağa nâm kimesne mahzarında baʻde’l-münâzaʻa bâ-vesâtet-i muslihîn mezbûr el-Hâc Osman ve zevcesi müvekkile-i mezbûre Hatice ale’l-iştirâk mülkleri olan mahalle-i mezbûrede vâkiʻ menzilde müvekkile-i mezbûre Âişe Hatun târîh-i iʻlâmdan sekiz sene tamamına değin bilâ-ücret sâkine olup müddet-i mezbûrede mezbûr el-Hâc Osman zevcesi mezbûre Hatice ücret-i menzil mütâlebesinde olmayıp müvekkile-i mezbûre Âişe Hatun dahi derûn-ı arzuhâlde tahrîr olunduğu üzere mezbûr el-Hâc Osman ve zevcesi Hatice’den iddiʻâ eylediği mahalle-i mezbûrede vâkiʻ menzilin yirmi senelik müctemiʻ olan üç yüz on beş guruş mütâlebesinden fâriğa olup her birileri âharın zimmetlerini bu vechile ibrâ ve iskāt edip katʻ[-ı nizâʻ] eyledikleri bi’t-terâzî tescîl olunup mübâşiri es-Seyyid Halil Çavuş kulları iltimâsıyla huzûr-ı âlîlerine iʻlâm olundu. Fermân hazret-i veliyyü’l-emrindir. Fî 7 min-Şaʻbâni’l-muʻazzam sene 1161