Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 384 Hüküm no: 639 Orijinal metin no: [62b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud b. İbrahim’in Abdullah b. İbrahim’i bıçakla yaraladığını kabul ettiği Maʻrûz; Medîne-i Eyüb’de Bıçakcı Ferhad Mahallesiʼnde sâkin işbu bâʻisü’l-iʻlâm Abdullah b. İbrahim nâm kimesne meclis-i şerʻa ihzâr etdirdiği Mahmud b. İbrahim ile terâfuʻlarında târîh-i iʻlâm günü merkūm Mahmud medîne-i mezbûrede Torya fırınında kalaycı dükkânı önünde bıçak taʻbîr olunur âlet-i câriha ile sağ elim üstünden amden ve bi-gayr-ı hakkın darb ve cerh eyledi deyü mûcib-i şerʻîsini daʻvâ eyledikde ol dahi ber-vech-i muharrer müddeʻî-i mezbûr Abdullah’ı hatâʼen darb ve cerh eyledim deyü ikrâr ve iʻtirâf etmeğin cerh-i mezbûrun mûcib-i şerʻîsi berʼ-i tâm husûlüne tevkīf-birle tescîl olunup bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 23 min-Şaʻbân sene 1161