Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 434 Hüküm no: 698 Orijinal metin no: [73a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Turşucu Mahallesi’nde bulunan Kabasakal Ali Ağa Vakfı’nın bir senelik muhâsebe kaydı Muhâsebe-i mahsûlât ve ihrâcât an-vakf-ı merhûm Kabasakal Ali Ağa berâ-yı çeşme el-vâkiʻ mahalle-i Turşucu min-mahallât-ı kasaba-i Hasköy caddesi? min-tevâbiʻ-i Havâss-ı refîʻa an-zamân-ı İmam Ahmed Efendi el-mütevellî ale’l-vakfi’l-merhûm el-mezbûr fî-gurre-i Muharremi’l-harâm li-sene ihdâ ve sittin ve miʼe ve elf. Mahsûlât-ı icârât der-sene-i kâmile: 2160 akçe El-vezâif ve’l-mesârif der-sene-i kâmile: 2396 akçe Vazîfe-i tevliyet Fî yevm 2 Sene 720, 5 Çeşme-i mezbûrenin yolları meremmâtı ve harc-ı sâire Sene 1490 Harc-ı muhâsebe ber-muʻtâd Sene 120 Kalemiye ber-muʻtâd Sene 30 Müteferrika ber-muʻtâd Sene 30 Kaydiye Sene 6 Vech-i meşrûh üzere mütevellî-i mezbûrun bir senelik muhâsebesi görüldükde îrâd-ı vakıfdan makbûzu iki bin yüz altmış akçe masrûfu iki bin üç yüz doksan altı akçe olmağla masrûfu meblâğ-ı mezbûrdan iki bin yüz altmış akçesi makbûzu olan îrâd-ı vakıfdan takāsan ahz-ı cânib-i vakıfda iki yüz otuz altı akçe ve bâ-muhâsebe-i evvel yedi yüz kırk sekiz akçe ki; cemʻan dokuz yüz seksen dört akçe deyn-i vakf bundan sonra vâkiʻ olan îrâd ve mahsûlât-ı vakıfdan almak üzere şerh verildi.