Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 454 Hüküm no: 720 Orijinal metin no: [77b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havâss-ı aliyye kazâsına tâbiʻ Terkos Bosna karyesinde bulunan mescide aid nukud vakfının altı senelik muhâsebe kaydı Havâss-ı aliyye kazâsında Terkos Bosna nâm karyede vâkiʻ mescid-i şerîf mesâlih-i vezâif ve mesârifine mevkūfe nukūdun mütevellîsi işbu bâʻisü’d-defter Mustafa Bey’in işbu bin yüz elli yedi senesi ve elli sekiz ve elli dokuz ve altmış ve altmış bir ve altmış iki senesi Zilhicce’si gāyetine değin altı senelik zamân-ı tevliyetde makbûz ve masrûfunun görülen muhâsebesi defteridir ki; ber-vech-i âtî zikr olunur. Tahrîren fi’l-yevmi’l-âşir min-Muharremi’l-harâm li-sene selâse ve sittin ve miʼe ve elf. Mâl-ı nukūd vakf-ı merbûhdur. Akçe 25337 Bâ-muhâsebe-i evvel +3799 Elli yedi senesinde mâl-ı vakfın murâbahası üç bin yedi yüz doksan dokuz akçe zam olunmuşdur. 29136 Yekûn, cemʻan yirmi dokuz bin yüz otuz altı akçedir. -4020 Sene-i merkūmede vazîfe-i imam ve mesârif-i mescid ve harc-ı muhâsebesi ihrâc olunmuşdur. 25116 Bâkī, baʻde’l-mesârif mâl-ı vakf yirmi beş bin yüz on altı akçedir. + 3766 Elli sekiz senesi mâl-ı vakf-ı mezbûrun murâbahası üç bin yedi yüz altmış altı akçedir. 28882 Yekûn, cemʻan yirmi sekiz bin sekiz yüz seksen iki akçedir. - 3960 Sene-i mezbûrede vazîfe-i imam ve mesârif-i mescid ve harc-ı muhâsebe ve gayrı 24922 Bâkī baʻde’l-mesârif yirmi dört bin dokuz yüz yirmi iki akçedir. + 3738 Elli dokuz senesinde mâl-ı vakfın murâbahası üç bin yedi yüz otuz sekiz akçedir. 28660 Yekûn, cemʻan mâl-ı vakf yirmi sekiz bin altı yüz altmış akçedir. - 3840 Sene-i mezbûrede vazîfe-i imam ve harc-ı muhâsebesi ve mesârif-i sâiresi. 24820 Bâkī cemʻan << mâl yirmi sekiz>> baʻde’l-mesârif mâl-ı vakf yirmi dört bin sekiz yüz yirmi akçedir. +3723 Altmış senesinde mâl-ı vakfın murâbahası üç bin yedi yüz yirmi üç akçedir. 28543 Yekûn, cemʻan mâl[-ı vakf] yirmi sekiz bin beş yüz kırk üç akçedir. - 3260 Sene-i mezbûrede vazîfe-i imam ve harc-ı muhâsebesi ve gayri. 25283 Bâkī-i baʻde’l-mesârif mal yirmi beş bin iki yüz seksen üç akçedir. +3792 Altmış bir senesi mâl-ı vakfın murâbahası üç bin yedi yüz doksan iki akçedir. 29075 Yekûn, cemʻan yirmi dokuz bin yetmiş beş akçe olmuşdur. 6280 Sene-i mezbûrede vazîfe-i imam ve harc-ı muhâsebesi ve harc-ı sâiresi ve taʻmîr-i mescid. 22995 Bâkī-i baʻde’l-mesârif yirmi iki bin dokuz yüz doksan beş akçe mal[-ı vakf]. +3448 Altmış iki senesinde mâl-ı vakfın murâbahası üç bin dört yüz kırk sekiz akçedir. 26443 Yekûn, cemʻan mâl[-ı vakf] yirmi altı bin dört yüz kırk üç akçedir. -2805 Sene-i mezbûrede vazîfe-i imam ve harc-ı muhâsebesi ve sâire. 22638 Bâkī, baʻde’l-mesârif yirmi iki bin altı yüz otuz sekiz akçe olmuşdur. Vech-i meşrûh üzere mütevellî-i mezbûrun altı senelik muhâsebesi görülüp makbûz an makbûz murâbahadan ve malından mesârif-i maʻlûmesi ihrâc olundukdan sonra mâl-ı vakf yirmi iki bin altı yüz otuz sekiz akçeden mâʻadâsı zimemde kalan murâbahaları mikdârı malından sarf etmekle ol mikdâr masrûfunu kalan murâbahadan ahz etmek üzere işbu mahalle şerh verildi. Mâl-ı vakf maʻa murâbahaları der-zimem-i nâss-ı mezkûrîn: Cemʻan meblâğ: 35685 akçe Mâl-ı vakf-ı mezbûr 22638 Asl-ı mâl-ı vakf-ı mezbûr +13047 Murâbahası malından masrûf etmekle bu mahalle şerh verildi. 35638 [yekûn] Der-zimmet-i Muradoğlu zevcesi Asl-ı murâbahâsı 1260 Der-zimmet-i Süleyman Beşe Asl-ı murâbahâsı 1336 Der-zimmet-i Türkoğlu Hüseyin Asl-ı murâbahâsı 2807 Der-zimmet-i Musa Beşe Asl-ı murâbahâsı 3710 Der-zimmet-i Kilimcioğlu Mustafa Beşe 3194 Der-zimmet-i Topal Mustafa Beşe 4000 Der-zimmet-i ahâlî-i karye-i mezbûre 6000 Der-zimmet-i Boşnakoğlu Salih 2000 Der-zimmet-i Dudu Mustafa 1150 Der-zimmet-i Boşnakoğlu Hüseyin 1053 Der-zimmet-i Salih 6400 Der-zimmet-i Boşnakoğlu Halil 2000 Der-zimmet-i Mehmed Efendi 500 Cemʻan yekûn: 35685