Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 458 Hüküm no: 723 Orijinal metin no: [78b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Davud Ağa Mahallesi’nde bulunan ve Çinili çeşme ihtiyaçları için vakfedilen vakfın muhâsebe kaydı Havâss-ı aliyye kadıları nezâret-i aliyyelerinde olan evkāfdan olup merhûm Davud Ağa Mahallesiʼnde vâkiʻ Çinili çeşme demekle maʻrûf çeşme mesâlihine mevkūfe musakkafât-ı vakfın tevcîhi hâkimü’ş-şerʻle bâ-hüccet-i şerʻiyye mütevellî olan el-Hâc Mustafa Ağa’nın işbu bin yüz elli yedi senesi Muharremi’l-harâmı gurresinden altmış iki senesi Zilhicceti’ş-şerîfesi gāyetine değin altı senelik zamân-ı tevliyetinde îrâd-ı mahsûlât-ı vakıfdan makbûz masrûfunun bi’l-cümle ahâlî-i mahalleden zîr-i muhâsebe-i defterde mektûbü’l-esâmî cemâʻat-i Müslimîn hâzır oldukları hâlde maʻrifetleri ile görülen muhâsebesi defteridir ki; ale’t-tafsîl ber-vech-i âtî zikr ve beyân olunur. Vakf-ı mezbûrdan [olan] menzilin meşrûta bahâsı ve mutasarrıfesi nevbet-i tasarrufunu reʼy-i mütevellî ve maʻrifet-i ahâlî-i mahalle ve bi’l-izni’ş-şerʻî Suyolcu el-Hâc Hüseyin Ağa’ya şart-ı vâkıfı üzere yevmî iki akçe müeccele ve muʻaccele-i maʻlûme ile îcâr olunup ber-mûceb-i defter-i muhâsebe baʻde’l-mesârif-i mütevellî-i mezbûr yedinde bâkī muʻacceleden makbûz-ı mürettebesi bâkī kalan: 6600 akçe Ve yine vakf-ı mezbûr müstagallâtından olup mârru’z-zikr Davud Ağa Mahallesiʼnde vâkiʻ maʻlûmü’l-hudûd vakıf menzilden nısfı mahlûl ve baʻde’l-müzâyede âhara îcâr ve muʻacceleden mütevellî-i mezbûrun makbûz-ı mürettebesi: 7930 akçe. Menzil-i vakf-ı mezbûr der-tasarruf-ı el-Hâc Hüseyin Ağa Bâb 1 Yevm 2 Fî sene 720 Sinîn-i sâdis 4320 Menzil der tasarruf-ı ( ) Bâb 1 Yevm 1 Fî sene 360 Sinîn-i sâdis 2160 Menzil der tasarruf-ı ( ) Bâb 1 Yevm 1 Fî sene 360 Sinîn-i sâdis 2160 Menzil der-mahalle-i Bıçakcı der-tasarruf ( ) Bâb 1 Yevm 1 Fî sene 360 Sinîn-i sâdis 2160 Mahsûl-i icârât der-sene-i kâmile 1800 akçe Sinîn-i sâdis 10800 Yekûn-i mahsûlât ve mahlûlat ve icârât-ı musakkafât-ı sinîn-i sâdis: 25320 akçe Minhe’l-vezâif maʻa’l-mesârif fî-sinîn-i sâdis: 19320 Vazîfe-i râh-ı âbî Fî sene 720 Sinîn-i sâdis 4320 Vazîfe-i müstahfız-ı tas? Fî sene 120 Sinîn-i sâdis 720 Mahlûlden ber-muʻtâd resm-i nâzır-ı vakf Sene 720 Kalemiye ve müjdegâne, dellâliye ve harc-ı defter-i kalemiye Sene 600 Defʻa âid-i nısf-ı menzil-i mahlûlden resm-i mütevellî-i vakf Sene 720 Mezbûr el-Hâc Hüseyin Ağa verdiği muʻacceleden vakıf içün iştirâ olunan menzil bahâsı Sene 6600 İştira olunan menzil içün defʻa verilen mübâyaʻa hücceti harcı Sene 840 Yine mütevellî vakf-ı mezbûrun tevliyet hücceti ve hîn-i ferağ-ı menzilde olan mesârif Sene 2160 Suyolu içün dirsek ve cirid ve kalay Sene 870 Vakf-ı mezbûr temşiyeti husûsuna masrûf Sene 576 Harc-ı muhâsebe ber-muʻtâd Fî sene 120 Sinîn-i sâdis 720 Kalemiye Fî sene 40 Sinîn-i sâdis 240 Müteferrika maʻa kaydiye fî-sene 39 sinîn-i sâdis 234 Sahhe’l-bâkī: 6000 Baʻde’l-mesârif ve’l-vezâif yalnız altı bin akçe mâl-ı vakf makbûz-ı mütevellî-i vakf-ı mezbûr. Şuhûdü’l-hâl: İmam Ahmed Efendi mahalle-i mezbûre, Müezzin Mehmed Efendi b. Musa, Mehmed Ağa b. Ali, el-Hâc Hüseyin Ser-bölük, Süleyman Ağa b. İbrahim, Molla Mustafa b. Osman, Molla Süleyman b. Abdullah, Mehmed Ağa b. el-Hâc İbrahim, İbrahim Çelebi b. Mehmed, Mehmed Çelebi b. Şaban, Ali Çelebi b. Ahmed, Osman Çelebi b. Mahmud, İbrahim Çelebi b. Ali, Mehmed Ağa b. Süleyman Ağa, Hüseyin Çelebi b. Mehmed, Musa Bey b. Ömer, Mehmed Çelebi b. Receb, el-Hâc Mehmed b. el-Hâc İbrahim ve gayruhum.