Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 473 Hüküm no: 740 Orijinal metin no: [82b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terkos nâhiyesinin Şamlar karyesinde bulunan Yusuf Ağa Vakfı’nın bir senelik muhâsebe kaydı Muhâsebe: Havâss-ı refîʻa kadıları nezâretlerinde âsûde olan evkāfdan Terkos nâhiyesinde Şamlar nâm karyede vâkiʻ merhûm Atîka Sultan teberdârı merhûm Yusuf Ağa Vakfı olan câmiʻ-i şerîf mesâlihine mevkūfe nukūdun sâbıkā mütevellîsi karye-i mezbûrede imam olan İbrahim Efendi’nin işbu bin yüz altmış iki senesi Muharremi gurresinden sene-i mezbûre Zilhicce’si gāyetine gelince zamân-ı tevliyetinde îrad ve mesârif-i vakfın hâlâ mütevellî nasb olunan muhtâr-ı ahâlî-i karye Musa Beşe iltimâsıyla ahâlî-i karye muvâcehelerinde muhâsebesi görülüp zimem-i müteferrikada olan mâl-ı vakfı mütevellî-i cedîde götürülüp kabz ve kabûl eylediği defteridir ki ber-vech-i âtî ale’t-tafsîl zikr ve beyân olunur. Fi’t-târîhi’l-mezbûr li’s-seneti’l-merkūme Mâl-ı vakf-ı merbûhdur -bâ-muhâsebe: 37243 akçe Mahsûl-i murâbahât der-sene-i kâmile 5340 akçe Der-zimmet-i ahâlî karye bi-ecmaʻihim 9620 akçe Der-zimmet-i Züğürt? Mustafa Beşe 5665 akçe Der-zimmet-i Ali Usta 6000 akçe Der-zimmet-i Fâtıma Hatun 600 akçe Der-zimmet-i Emine Hatun 600 akçe Der-zimmet-i Deli Mehmedoğlu İbrahim 698 akçe Der-zimmet-i Kat Mehmed 1200 akçe Der-zimmet-i Musa Beşe 4990 akçe Der-zimmet-i Cebeci Halil 1820 akçe Der-zimmet-i Osman Beşe 500 akçe Der-zimmet-i İsmihan Hatun 600 akçe Der-zimmet-i Kıbtî yetimleri 2240 akçe Der-zimmet-i Bahçıvân yetimleri 600 akçe Der-zimmet-i Papaoğlu Kostantin 1495 akçe Der-zimmet-i Osman Beşe 120 akçe Der-zimmet-i Kara Mustafa 100 akçe Der-zimmet-i Cebecioğlu 400 akçe Yekûn: 37243 guruş El-vezâif maʻa’l-mesârif der-sene-i kâmile: 534 Vazîfe-i imam Yevm 1 Sene 3600 Vazîfe-i müezzin İmama meşrûta Yevm 1 Sene 360 Vazîfe-i kayyım İmama meşrûta Yevm 1 Sene 360 Vazîfe-i tevliyet Yevm 2 Sene 720 Bahâ-yı şemʻ-i revgan Sene 120 Harc-ı muhâsebe Sene 120 Kalemiye, müteferrika Sene 60 Vech-i meşrûh üzere bir senelik îrâd mesârif-i vakfın hesâbı görülüp mâl-ı vakf zimem-i müteferrika-yı mezkûrûnun ikrârıyla zimmetlerinde olduğu zâhir ve mütevellî-i cedîd kabûl edip mütevellî-i sâbıkı zimmetinde mâl-ı vakıfdan bir akçe ve bir habbe bâkī kalmayıp cemʻan mâl-ı vakf yalnız otuz yedi bin iki yüz kırk üç akçe olup beher sene murâbahası alınmak üzere şerh verildi. Sah.