Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 483 Hüküm no: 749 Orijinal metin no: [84b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin b. İsmail’in komşuları Ali ve Mehmed’in bazı kıymetli eşyalarını çaldıkları yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; Sâhibe-i arzuhâlin oğlu Mehmed Emin b. İsmail nâm kimesne derûn-ı arzuhâlde isimleri mezkûrân Ali ve Mehmed ibney Süleyman nâm kimesneler muvâcehelerinde târîh-i iʻlâmdan beş gün mukaddem medîne-i Eyüb’de Defterdâr Kara Süleyman Efendi Mahallesiʼnde vâkiʻ menzilim derûnundan eşyâ-i memlûkemden yirmi guruş kıymetli bir kakım kürk ve üç guruş kıymetli bir şâlî anteri ve on beş guruş kıymetli sim döşemeli mâî çuka biniş ve dört guruş kıymetli eski köprü? astarı ve elli para kıymetli beş dirhem bir sim kuşağım zâyiʻ oldukda mazanna ittihâz eylediğim işbu câr-ı mülâsıkım mezbûrân Ali ve Mehmed’den suâl olunması murâdımdır deyü eylediği müddeʻâ-yı mezbûresini her biri baʻde’l-inkâr ve’t-tahlîf mezbûrân Ali ve Mehmed’in hâl-i sugūrlarından beri maskat-ı reʼsleri mahallemiz olup bu âna değin hüsn-i hâllerinden gayrı ahvâlleri maʻlûm ve mesmûʻumuz olmamışdır deyü mahalle-i mezbûre sükkânından on beş neferden mütecâviz kimesneler haber vermeleriyle bi-gayr-ı vech-i şerʻî muʻârazadan menʻ olunduğu tescîl ve bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-Recebi’l-ferd li-sene selâse ve sittin ve miʼe ve elf.