Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 486 Hüküm no: 756 Orijinal metin no: [85b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mikail v. Serup’a kira sözleşmesini feshederek dükkânı boşaltmasının tenbih edildiği Maʻrûz-ı dâʻî-i Devlet-i aliyyeleridir ki; Medîne-i Ebâ Eyüb el-Ensârî’de Câmiʻ-i kebîr Mahallesi sâkinelerinden bâʻisetü’l-iʻlâm Hatice bt. el-merhûm Testerecizâde el-Hâc Mehmed Efendi’nin ve tarafından zikr-i âtî husûsda müseccel vekîli olan Zülfikar Ağa nâm kimesne müvekkile-i mezbûrenin mahrûse-i Galata’da mutasarrıfe olduğu menzil ve doğramacı dükkânının müşâhereten müsteciri olan Mikâil v. Serup? nâm zimmî ile murâfaʻa edip mesfûr Mikail dahi müşâhereten müstecir olduğunu baʻde’l-beyân menzil ve dükkânın müddet-i tasarrufunda beher şehr müteʻayyin olan icâresin edâda cevr ve eziyet eder deyü baʻde’l-münâzaʻa beynlerinde olan akd-i icâreyi feshini târîh-i iʻlâm senesi Recebi’l-ferdi hitâmında mârru’z-zikr menzil ve dükkânı tahliye ve teslîm eylemek üzere mesfûr Mikail zimmîye tenbîh ve tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 3 min-Recebi’l-ferd sene 1163