Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 490 Hüküm no: 767 Orijinal metin no: [86b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ustoyan zimmînin es-Seyyid İbrahim’e olan borcunu ödemesi Maʻrûz-ı dâʻî-i Devlet-i aliyyeleridir ki; Bâʻisü’l-iʻlâm es-Seyyid İbrahim nâm kimesne Ustoyan nâm zimmî ile terâfuʻlarında beynimizde maʻlûm ağnâm bahâsından bâkī yirmi beş guruş mesfûr Ustoyan zimmetinde hakkım vardır taleb ederim deyü baʻde’d-daʻvâ ve’l-ikrâr mûcebiyle meblâğ-ı mezbûr yirmi beş guruşu müddeʻî-i mezbûr es-Seyyid İbrahim’e edâ ve teslîm eylemek üzere mesfûr Ustoyan zimmîye tenbîh-i şerʻî olunmuşdur. Bâkī fermân men-lehü’l-emrindir. Fi’l-yevmi’s-sânî ve’l-ışrîn min-Saferi’l-hayr li-sene selâse ve sittin ve miʼe ve elf.