Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 531 Hüküm no: 825 Orijinal metin no: [96b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maranko v. Sotan’ın Manol v. Sorgo’nun iki yüz guruşunu kaybettiği yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; Çoban tâifesinden Maranko v. Sotan nâm zimmî Cebeci karyesi ahâlîsinden işbu hâmilü’l-iʻlâm Manol v. Sorgo zimmî muvâcehesinde mesfûr Manol zimmî Avas nâm karyede bargirimi gezdirip heybem içinde nakd iki yüz guruşum zâyiʻ olmuşdur deyü eylediği müddeʻâsını beyândan acz edip ve mesfûr Manol zimmîye yemîn verilmekle bilâ-beyyine bî-vech muʻârazadan menʻ olunup Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-Zilhicceti’ş-şerîfe li-sene selâse ve sittin ve miʼe ve elf.