Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 548 Hüküm no: 864 Orijinal metin no: [100b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni Mıgırdıç’ın Hatice Hatun’a olan borcunu ödemesi Maʻrûz-ı dâʻî-i Devlet-i aliyyeleridir ki; Bâʻisü’l-iʻlâm Hatice nâm hatunun tarafından vekîl olduğu nehc-i şerʻî üzere zâhir olan Hâfız Ali Efendi ihzâr-ı şerʻ olunan Mıgırdıç nâm Ermeni ile murâfaʻa olup müvekkil-i mezbûrun icâreteyn ile mutasarrıfe olduğu menzilinin müsteciri olan mesfûr Mıgırdıç zimmetinde bin yüz elli dokuz senesi Muharremi’nden târîh-i iʻlâma gelince kırk altı aylık menzil icâresinden müctemiʻ olandan bi’d-defâʻat teslîmâtından sonra bâkī altmış üç guruş otuz altı para hakkı olduğu mesfûr Mıgırdıç zimmînin ikrârıyla sâbit olup edâsıyla ilzâm olunduğu Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis ve’l-ışrîn min-Şevvâli’l-mükerrem li-sene isneyn ve sittin ve miʼe ve elf.