Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 562 Hüküm no: 895 Orijinal metin no: [103a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. İsteryo’nun aldığı manda öküzünün parasını ödemesi Maʻrûz; Kemerci zümresinden Yorgi v. İsteryo nâm zimmî işbu hâmilü’l-iʻlâm Tolo v. Tarandafil nâm zimmî muvâcehesinde mesfûr Tolo’dan otuz gün mukaddem elli iki guruşa iştirâ eylediğim bir reʼs manda öküzünün ayağında özrü olmağla reddolunmak üzere daʻvâya tasaddî ve baʻde’l-ıtlâʻ özrüyle on gün mikdârı kabûl ve istiʻmâlini muʻterif olmağla reddi iktizâ etmemekle zikr olunan öküz bahâsından zimmetinde ikrârıyla sâbit bâkī on yedi buçuk guruş mesfûr Tolo zimmîye edâ ve teslîme mesfûr Yorgi’ye tenbîh olunduğu Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 18 Ramazan sene 1162