Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 571 Hüküm no: 912 Orijinal metin no: [105a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekci Noğas ile Balatlı Mosi arasındaki alacak verecek davasının halledildiği Maʻrûz; Medîne-i Hazret-i Eyüb’de Sultan fırını Ekmekcisi Noğas nâm Ermeni ihzâr-ı şerʻ olunan Balatlı işbu hâmilü’l-iʻlâm Mosi nâm Yahûdi ile baʻde’l-murâfaʻa ve’l-münâzaʻa vesâtet-i muslihûn ile dakîk bahâsından iddiʻâsı olan yirmi guruş mutâlebesinden an-inkâr mesfûr Mosi Yahud ile on iki guruş bedel-i makbûza sulh olup mâʻadâ mütâlebesinden mesfûr Mosi Yahud’un, ol dahi medfûʻu olan meblâğ-ı mezbûr bedel-i sulhden müddeʻî-i mesfûrun birbirlerinin zimmetlerini ibrâ ve katʻ-ı nizâʻ etdikleri iltimâslarıyla Eyüb mahkemesinde tescîl olunduğu huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 23 min-Şaʻbân sene 1162