Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 592 Hüküm no: 955 Orijinal metin no: [109a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Kasım b. Ömer’in Artin v. Gabril’de kalan alacağının Kigork v. Agop’a havâle edilmesini kabûl ettiği Maʻrûz; Bâʻisü’l-iʻlâm el-Hâc Kasım b. Ömer meclis-i şerʻde Artin v. Gabril muvâcehesinde merkūm Artin zimmetinde bâ-iʻlâm mahkûmün-bih yüz on altı guruş hakkımın yirmi altı guruşdan mezbûr Artin’i ibrâ etdiğimden sonra bâkī kalan doksan guruşun elli guruşunu dahi merkūm Artin bana edâ ve bâkī kalan kırk guruş ile beni işbu hâzır bi’l-meclis Kigork v. Agop zimmî üzerine doksan bir gün mürûrunda edâ etmek üzere havâle-i müeccele ile havâle ve her birimiz ber-vech-i muharrer havâle-i mezkûreyi kabûl eyledik dedikde baʻde’l-ikrâr ve’t-tasdîk medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’s-sâdis ve’l-ışrîn min-Cemâziyelevvel li-sene isneyn ve sittin ve miʼe ve elf.