Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 593 Hüküm no: 957 Orijinal metin no: [109b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Artin v. Gabril’in kefâletten dolayı olan borcunu ödemesi Maʻrûz; Bâʻisü’l-iʻlâm el-Hâc Kasım b. Ömer meclis-i şerʻde Artin v. Gabril muvâcehesinde gāib ani’l-meclis diğer Artin zimmetinde ipek bahâsından yüz yirmi sekiz guruş hakkımın edâsına işbu merkūm Artin kefâlet-i sahîha ile kefîl olup bundan akdem on iki guruşunu kefâleten bana edâ, bâkī yüz on altı guruş hakkımı taleb ederim deyü daʻvâ etdikde merkūm Artin vech-i muharrer üzere husûs-ı mezbûru ikrâr ve iʻtirâf etmekle alâ-mûcib-i ikrârihi meblâğ-ı mezbûr yüz on altı guruşun edâsı ile ilzâm olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’l-ışrîn min-Cemâziyelevvel li-sene isneyn ve sittin ve miʼe ve elf. 1162