.:: İstanbul Kadı Sicilleri ::.


Galata Mahkemesi 20 Numaralı Sicil (H. 1005 - 1007 / M. 1596 - 1599)
cilt: 35, sayfa: 240
Hüküm no: 291
Orijinal metin no: [44a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ancelo v. Korso adlı mîrî esirin eline serbest bırakıldığına dair belge verildiği

Itâknâme-i Ancelo Tersâne-i âmire’de istihdâm olunan esîrlerden işbu hâmil-i hâze’l-kitâb uzun boylu karayağız elâ gözlü Efrenciyyü’l-asl Ancelo v. Korso nâm esîr meclis-i şer‘-i şerîfe hâzır olup takrîr-i kelâm ve ta‘bîr ani’l-merâm edip vezîr-i ekrem müşîr-i müfahham Halil Paşa hazretleri kapudânlık hizmeti ile memûr iken sene bin üç Şa‘bânı’nın gurresinden üç yıl tamâmına dek hizmet edip andan sonra yedine ıtâknâme verile deyû elime kendilerin mühr-i şerîfleri ile mahtûm bir tezkire-i şerîfe vermiş idi el-hâletü hâzihî üç yıl tamâm olup elimde olan tezkire mûcebince kıbel-i şer‘den ıtâknâme taleb ederin deyû kavlini musaddık vezîr-i müşârün-ileyhin hatemi ile mahtûm ve sene bin üç Şa‘bânı’nın gurresi ile müverraha bir tezkire ibrâz etmeğin ber mûceb-i tezkire bu vesîka ber sebîl-i ıtâknâme ketb ve tahrîr olunup tâlibi yedine vaz‘ olundu ki vakt-i hâcetde mübeyyin-i hâl ola. Tahrîren fî gurreti şehri Şa‘bâni’l-mu‘azzam sene sitte ve elf. Şuhûd: Hüseyin Çavuş b. Ali, Mehmed Reis b. Hüseyin, Mustafa b. Ramazan, Hüsrev b. Abdullah el-Muhzır, Mustafa b. Ali el-Muhzır, Ahmed b. Mustafa, Mahmud Reis b. Hasan ve gayruhüm