.:: İstanbul Kadı Sicilleri ::.


Galata Mahkemesi 20 Numaralı Sicil (H. 1005 - 1007 / M. 1596 - 1599)
cilt: 35, sayfa: 253
Hüküm no: 308
Orijinal metin no: [46a-3, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Emine bt. Mahmud Reis adlı çocuğa atanan vasînin değiştirildiği

Vasî ma‘zûl olup yerine vasiyy-i âhar nasb olunduğuna kayd Hâl-i hayâtında hâric-i mahmiye-i Galata mahallâtından Mustafa Ağa mahallesinde sâkin iken Ahyolu kasabasında vefât eden Mahmud Reis’in Emine nâm sagīre kızına kıbel-i şer‘den vasî nasb olunan el-Hâc Ahmed b. Şaban’ın vesâyet hizmetinden âciz olup sagīre-i merkūmenin mesâlihini görmeye kādir olmadığı cemm-i gafîr ve cem‘-i kesîrin ihbârlarıyla hâkim-i kirâm indinde sâbit ve zâhir olduğunda hâkim-i mûmâ-ileyh, sagīre-i mezkûrenin anası Fâtıma bt. Abdullah’ı vasî nasb etti. Mezbûre Fâtıma da vesâyet-i mezkûreyi kabûl edip hizmet-i lâzımesini edâyı ta‘ahhüd etti. Cerâ zâlike ve hurrire fî evâsıtı şehri Şa‘bâni’l-mu‘azzam sene sitte ve elf. Şuhûd: Mehmed b. Mustafa, Kemal b. Musa ve el-Hâc Mustafa b. Pîrî, Hüsrev b. Abdullah, Mustafa b. Ramazan ve gayruhüm mine’l-hâzırîn