Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 382 Hüküm no: 503 Orijinal metin no: [75b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmi Hatun’un Macar asıllı câriyesini azat ettiği Kostantıniyye mahallâtından Gül Câmi‘i mahallesi sâkinelerinden İsmi Hâtun bt. Can Memi tarafından husûs-ı âti’z-zikri ikrâra vekîl olup İbrahim b. Mehmed ve Hüseyin b. Musa şehâdetleri ile vekâleti sâbite olan Mustafa b. Abdullah nâm râcil mahfil-i kazâda işbu uzun boylu, açık kaşlı, gök gözlü, Macariyyetü’l-asl hâmiletü hâze’l-kitâb Belkıs bt. Abdullah nâm câriye-i memlûkesini hasbeten lillâh âzâd ve tahrîr ettiğini bi’l-vekâle ikrâr eyledi. Vâki‘ ikrâr câriye-i mezkûre tarafından tasdîk edildi. Câriye-i merkūme bu sûretle sâir harâir-i asliyyât-ı mükellefât gibi hürre oldu. Üzerinde mevâlî için utekā üzerine lâzım olan hakk-ı velâdan gayrı bir şey kalmadı. Cerâ zâlike ve hurrire fî evâsıtı Safer sene seb‘a ve elf. Şuhûd: Süleyman Subaşı b. Abdullah, es-Seyyid İsmail b. es-Seyyid Mehmed, İbrahim b. Mehmed, Hüseyin b. Musa, Hüseyin b. Abdullah er-Râcil, Mehmed b. Yusuf, Mustafa b. Ali, Hüsrev b. Abdullah ve gayruhüm