Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 383 Hüküm no: 507 Orijinal metin no: [76a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa adlı akıl hastasının yeni vasîsinin önceki vasîyi ibrâ ettiği Mahmiye-i Galata mahallâtından Câmi‘-i Kebîr mahallesinde sâkine olup bundan akdem vefât eden Zâhide bt. Ahmed nâm hâtunun sulbî oğlu Mustafa nâm mecnûna kıbel-i şer‘den vasiyye nasb olunan mecnûn-ı mezbûrun ammesi Ümmi nâm hâtun mahfil-i kazâda işbu bâ‘isü’l-hurûf mecnûn-ı merkūmun sâbıkan vasîsi olan el-Hâc Keyvan Bey b. Abdullah mahzarında ikrâr edip mecnûn-ı mezbûra vâlidesi merhûme Zâhide’den irs-i şer‘le intikāl eden on yedi bin akçesini mezbûr Keyvan Bey yedin[den] vesâyetim [hasebiyle] bi’t-tamâm alıp kabz eyledim meblağ-ı mezbûrdan mesfûr Keyvan Bey zimmetinde bir akçe ve bir habbe kalmadı dedikde mâ vaka‘a bi’t-taleb ketb ve tahrîr olundu ( ) Şuhûd: İsa Efendi el-İmâm, Zeynü’l-kuzât Nebi Efendi, el-Hâc Murad b. Abdullah, Kaytas b. Abdullah, Hüsrev b. Abdullah el-Muhzır, Mahmud Çelebi b. Kasım, Mustafa b. Ali el-Muhzır