Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 41 Hüküm no: 9 Orijinal metin no: [3a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin küçüklere nafaka takdir ettiği Hâkim, himâye ve terbiyesi altında bulundukları vasîleri kavaf Yusuf Bey b. Mehmed’in talebi üzerine, mahmiye-i Galata hâricinde vâki‘ Kasımpaşa mahallâtından Sürûri Efendi mahallesinde fevt olan Nasuh b. Mustafa’nın Mehmed, Ali ve Süleyman nâm sıgārının nafakaları, kisveleri ve sâir havâic-i zarûriyyeleri için zeyilde mezkûr târihden i‘tibâren babaları Nasuh’dan ve yine mahalle-i mezbûrede mukaddemâ vefât eden anneleri Zeyni bt. Abdünnebi’den kendilerine irs-i şer‘le intikāl eden mallardan alınmak üzre her birisine altışar akçe verilmek üzre râyicü’l-vakt yevmî on sekiz akçe farz ve takdîr etti. Hâkim ayrıca vasiyy-i mezbûra, meblağ-ı mezbûru sarf etmeğe ve vakt-i hâcetde istidâne edip vakt-i zaferde rücû‘una izin verdi. Cerâ zâlike ve hurrire fi’l-yevmi’s-sâlis min Cumâdelâhire sene hamse aşere ve elf. Şuhûdü’l-hâl: Receb b. Yusuf el-İmâm, Mehmed b. Hüdâverdi el-Müezzin, Ahmed Reis-i sultânî, Mustafa b. Ebûbekir