Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 54 Hüküm no: 35 Orijinal metin no: [7b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Mustafa’nın evini el-Hâc Behrâm’a sattığı Kal‘a-i Boğazkesen mahallâtından el-Hâc Kemal mahallesi sâkinelerinden Âişe bt. Mustafa nâm hâtun tarafından menzil-i âti’l-beyânı bey‘a ikrâra vekîl olup vekâleti nehc-i şer‘î üzre Ali b. Abdullah el-Cündî ve Mustafa b. Memi nâm kimesneler şehâdetleri ile sâbit olan Ömer b. Osman nâm kimesne mahfil-i kazâda işbu hâmilü’l-kitâb el-Hâc Behrâm b. Abdullah nâm kimesne mahzarında bi’l-vekâle ikrâr ve i‘tirâf edip kal‘a-i mezbûre mahallâtından ...? mahallesinde vâki‘ hudûdunun bir tarafı kubûr-i müslimîn ve bir tarafı tarîk-i âm ve bir tarafı Mehmed Çelebi b. ( ) mülküne müntehî olup iki küçük harâbe evleri ve bir eşcâr-ı müsmireli cüneyneyi müştemil olan menzil müvekkile-i mezbûre Âişe taht-ı mülkünde iken mezbûr el-Hâc Behrâm bin sekiz yüz fıddî Osmânî akçeye bey‘-i bâtt-ı sahîh-i şer‘î ile bey‘ edip kabz-ı semen-i mezbûr ve teslîm-i mebî‘-i merkūm eyledi dedikde vekîl-i mezbûrun sâdır olan ikrârını müşterî-i mezbûr el-Hâc Behrâm vicâhen tasdîk edicek mûcebince ketb olundu. Cerâ ve hurrire fi’t-târihi’l-mezbûr. Şuhûdü’l-hâl: Mehmed Çelebi b. Mustafa, Davud Bey b. Hüccetullah? el-Cündî, Ali Çelebi el-Cündî, Mehmed b. Mahmud, Süleyman Bey, Hüseyin b. Hasan