Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 58 Hüküm no: 45 Orijinal metin no: [9a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin Kamer bt. Abdullah adlı vasî üzerine Bayram Beşe b. Abdullah’ı nâzır ataması Hâkim, Bayram Beşe b. Abdullah nâm kimesneyi, bir deryâ seferinde vefât eden reis-i sultânî merhûm Haydar b. Abdullah’ın Kerime ve Aliye nâm sagīreynine kıbel-i şer‘den mansûbe vasî olan Kamer bt. Abdullah nâm hâtuna kendilerine müteveffâ-yı mezbûr babalarından irs-i şer‘le intikāl eden malları gözetmek, umûrunu tesviye etmek ve sâir işlerinde vasiyy-i mezkûrla birlikte hareket etmek üzre nâzır atadı. Ki artık vasî, vesâyetle alâkalı bir işe nâzırın emri olmadan kemâl-i ihtimâm ve istikāmet üzre başlayamayacakdır. O da nezâret-i merkūmeyi kabûl edip hizmet-i lâzımesini üzerine aldı. Cerâ zâlike ve hurrire fi’t-târihi’l-mezbûr. Şuhûdü’l-hâl: Abdi Halîfe b. Mehmed Müezzin, Derviş b. Mehmed, Mehmed Çelebi muhzır, Mustafa el-Muhzır ve gayruhüm