Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 156 Hüküm no: 179 Orijinal metin no: [44a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cemile Hâtun bt. Abdünnebi’nin Eflak asıllı câriyesini mükâtebe yoluyla âzad ettiği Hatîb Mehmed Efendi b. Hızır ve Keyvan Bey b. Abdullah nâm kimesneler meclis-i şerîfde hâzırân olup, Tophane mahallâtından Ali Paşa mahallesinde vefât eden Cemile Hâtun bt. Abdünnebi nâm hâtunun zevci ve vârisi olan ve husûs-ı âti’l-beyânı inkâr eden Mehmed Halîfe b. Sâlih nâm hasm-ı câhid mahzarında, sarışın, elâ gözlü, Eflakiyyü’l-asl ve sol elinde eser-i cerh bulunan hâmiletü hâze’l-kitâb Gülbahar bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, merhûme-i mezbûre hâl-i hayât ve kemâl-i akl ve sıhhatinde, lehine şâhidlik yapılan ve yukarıda vasıfları zikr edilen da‘vâcıyı, Mümine bt. Mehmed nâm sadriyye-i sagīre kızına zeyilde mezkûr senenin Rebî‘ulevvel ayının yirminci gününden i‘tibâren üç sene tamâmına kadar hizmet etmesi karşılığında kitâbete kesdi. O da kitâbet-i merkūmeyi kabûl edip hizmet-i lâzımesini edâyı üzerine aldı. Hizmet-i mezbûreyi edâ ettiğinde sâir harâir-i mükellefât gibi hürre olacakdır. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Cerâ zâlike ve hurrire fî evâsıtı Rebî‘ilevvel sene sitte aşere ve elf. Şuhûdü’l-hâl: es-Sâbikūn