Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 173 Hüküm no: 209 Orijinal metin no: [52a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Defterdar Mustafa Efendi Evkâfı’nın alacağının muhallefâttan alındığı Budur ki, kasaba-i Hazret-i Eyyûb’da vâki‘ merhûm Defterdâr-ı sâbık Mustafa Efendi evkāfı’na mütevellî olan Mehmed Çelebi b. Şaban mahfil-i kazâda Mustafa b. Abdullah mahzarında takrîr-i kelâm kılıp bundan [akdem] mezbûrun zevcesi Yasemin nâm müteveffât vakf-ı mezbûrdan üç bin üç yüz akçe alıp vefât etmeğin zimmetinde kaldı zevc-i mezbûrdan merkūmenin muhallefâtından taleb ederim dedikde gıbbe’s-suâl ba‘de’l-inkâr akībe’l-istişhâd Hüsam Efendi b. Abdürrahim ve Ömer Halîfe b. Mustafa li ecli’ş-şehâde hâzırân olup mütevellî-i merkūm da‘vâsına muvâfık şehâdet eyledikde gıbbe ca‘li? şerâiti’l-kabûl meblağ-ı merkūmun edâsına tenbîh olundu ve kayd olundu. Tahrîren fî evveli şehri Cumâdelûlâ sene sitte aşere ve elf. Şuhûdü’l-hâl: Hasan Efendi b. İshak el-Hatîb, Ahmed Çelebi b. Mustafa, Ali Çelebi b. Mustafa, Mehmed Çelebi b. Ahmed, Osman b. Hasan