Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 206 Hüküm no: 262 Orijinal metin no: [64b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Raziye Hâtun bt. Abdullah’ın muhallefâtından beytülmâle ait hissenin alındığı Budur ki, mahmiye-i Galata’da bi’l-fi‘l beytülmâl-i hâs emîni olan fahrü’l-akrân Mahmud Çavuş b. Ahmed mahfil-i kazâda mahmiye-i mezbûre hâricinde Cihangir mahallesinden olup bundan akdem vefât eden merhûme Râziye Hâtun bt. Abdullah nâm müteveffânın zevc-i metrûkü işbu râfi‘-i hâze’r-rakam Kenan Bey b. Abdullah nâm kimesne mahzarında ikrâr-ı tâm ve ta‘bîr-i merâm edip müteveffât-ı mezbûrenin verâseti zevci mezbûr Kenan’a münhasır olup ol dahi [vefât edip] farz cihetiyle nısfı ona ve nısf-ı âharı beytülmâle râci‘ oldukda müteveffâ-yı mezbûrenin muhallefâtından hisse-i beytülmâl için nısf-ı âharı emânetim hasebiyle mezbûr Kenan yedinden bi’t-tamâm ahz u kabz ettim min ba‘d mezbûr Kenan yedinden cânib-i beytülmâle râci‘ bir şey bâkī kalmadı dedikde emîn-i mûmâ-ileyh Mahmud Çavuş’un ikrâr-ı meşrûhunu mezbûr Kenan bi’l-muvâcehe tasdîk edicek mâ vaka‘a alâ vukū‘ihi ketb olundu. Fî târihi’l-mezbûr. Şuhûdü’l-hâl: es-Sâbikūn