Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 207 Hüküm no: 264 Orijinal metin no: [64b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine Hâtun Vakfı’nın Mehmed Bey b. Davud’da alacağı olduğu Udûlden Mehmed Çelebi b. Hemdem ve el-Hâc Ali b. Abdullah nâm kimesneler meclis-i şer‘-i şerîfde hâzırân olup, Hazreti Ebî Eyyûb-i Ensârî -aleyhi rahmetü’l-Bârî- mahallâtından Kasımpaşa mahallesinde vefât eden merhûm Mehmed Bey b. Davud’un annesi ve vârisi olan Aynî Hâtun bt. Mustafa nâm hâtun mahzarında, merhûme Emine Hâtun bt. ( ) vakfı mütevellîsi hâmil-i hâze’l-kitâb umdetü’l-eimme Hasan Efendi b. Ahmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffâ-yı mezbûr hâl-i hayâtı ve kemâl-i akl ve sıhhatinde iken bizim yanımızda, üzerinde ve zimmetinde vakıf malının aslından râyicü’l-vakt altı bin sekiz yüz akçe-i Osmânî -ki dört bin akçesi asl-ı mâldan ve iki bin sekiz yüz akçesi mahalle-i mezbûrede kâin hudûdu ahâlî indinde ve inde’l-cîrân ma‘lûm ev kirâsı bedelindendir- lâzimü’l-edâ ve vâcibü’l-kazâ vakf-ı mezbûrun hakkı olduğunu ikrâr ve i‘tirâf etmişdi. Şehâdetleri ba‘de şerâiti’l-kabûl inde’ş-şer‘ mu‘teber ve makbûl oldukdan sonra ve müdde‘î-yi mezbûra meblağ-ı mezbûru ondan veya vekîlinden kısmen ya da tamâmen ahz u kabz etmediğine ve bi vechin mine’l-vücûhi’ş-şer‘iyye [65a] zimmetini ibrâ etmediğine dâir yemîn verilmesinin ardından şehâdetleri mûcebince hükm edildi. Cerâ zâlike ve hurrire fî târihi’l-mezbûr. Şuhûdü’l-hâl: Mehmed Çelebi b. Hasan ve es-sâbikūn Yevmü’l-ehad Yevmü’l-isneyn Yevmü’s-sülesâ Yevmü’l-erbi‘â