Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 210 Hüküm no: 271 Orijinal metin no: [65b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gülferec Hâtun bt. Abdullah’ın mehr-i müeccel alacağına hükm edilmesi Udûlden Şaban Dede b. Mehmed ve Mahmud b. Ali nâm kimesneler meclis-i şer‘-i şerîfde hâzırân olup, bundan akdem vefât eden Şaban b. Abdullah’ın muhallefâtına el koyan mahmiye-i Galata’da vâki‘ beytülmâl-i hâs emîni Mahmud Çavuş b. Ahmed nâm kimesne mahzarında, müteveffâ-yı mezbûrun zevcesi ve vârisi Gülferec Hâtun bt. Abdullah nâm hâtundan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffâ-yı mezbûr hâl-i hayât ve kemâl-i akl ve sıhhatinde bizim yanımızda, üzerinde ve zimmetinde mezbûre da’vâcının nikâhı esnâsında ma‘kūdun aleyh olan mehr-i müeccelinden râyicü’l-vakt bin yüz akçe-i Osmânî hakkı olduğunu ikrâr ve i‘tirâf etti. Şehâdetleri ba‘de şerâiti’l-kabûl inde’ş-şer‘ mu‘teber ve makbûl oldukdan sonra ve mezbûre da‘vâcıya meblağ-ı mezbûru, merhûmdan veya vekîlinden kısmen ya da tamâmen ahz u kabz etmediğine dâir yemîn verilmesinin ardından mûcebince hükm edildi. Cerâ zâlike ve hurrire fî 3 şehri Şa‘bâni’l-mübârek sene sitte aşere ve elf. Şuhûdü’l-hâl: Seyyid Hamid b. Seyyid Muharrem, Seyyid Musli Efendi b. Seyyid Osman, Seyyid Dede, Mehmed b. Yusuf