Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 211 Hüküm no: 273 Orijinal metin no: [66a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Efendi b. Ahmed’in ödünçten Ahmed Reis’te alacağı olduğu Udûlden Rıdvan Reis b. Abdullah ve Osman b. el-Hâc Ahmed nâm kimesneler Mekke’de harem-i şerîfde vefât eden merhûm Ahmed Reis’in Âişe nâm sagīre kızının vasiyy-i muhtârı olan el-Hâc İbrahim b. Yakub nâm kimesne mahzarında, hâfız-ı hâze’l-kitâb Ali Efendi b. Ahmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffâ-yı mûmâ-ileyh hâl-i hayât ve kemâl-i akl ve sıhhatinde bizim yanımızda ve katımızda lehine şâhidlik yapılan mezbûr da‘vâcıdan iki bin akçe-i Osmânî karz-ı hasen alıp kabz etmişdi. Şehâdetleri ba‘de şerâiti’l-kabûl inde’ş-şer‘ mu‘teber ve makbûl oldukdan sonra ve da‘vâcıya meblağ-ı mezbûru merhûmdan veya vekîlinden kısmen ya da tamâmen ahz u kabz etmediğine ve bi vechin mine’l-vücûh ve sebebin mine’l-esbâb zimmetini ibrâ etmediğine dâir yemîn verilmesinin ardından mûcebince hükm edildi. Cerâ ve hurrire fî 3 şehri Şa‘bân sene sitte aşere ve elf. Şuhûdü’l-hâl: es-Sâbikūn