Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 38 Hüküm no: 6 Orijinal metin no: [3a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma Hâtun bt. el-Hâc Ali’nin on bin akçe vasiyyet etmesi Udûlden Müezzin Ali Çelebi b. Hasan ve Ferhad Bey b. Abdullah nâm kimesneler, gāib Hüseyin Ağa’nın Mehmed nâm sagīr oğlunun hıfz-ı ahvâli ve hâric-i mahmiye-i Galata’da vâki‘ Tophâne mahallâtından Mustafa Ağa mahallesinde bundan akdem vefât eden Fâtıma Hâtun bt. el-Hâc Ali nâm annesinden intikāl eden emvâlin zabtı için kıbel-i şer‘den mansûb vasî olan ve âti’z-zikr vasiyyeti inkâr eden Âmine Hâtun bt. Abdullah nâm hasm-ı câhid mahzarında şöyle şehâdet ettiler ki, müteveffât-ı mezbûre maraz-ı mevte yakalanıp başını fevt yastığına koyduğunda techîz, tekfîn ve sâir levâzımı ve bunlara ilâveten vücûh-i hayrât için sülüs-i malından râyicü’l-vakt on bin akçe-i Osmânî vasiyyet etti. Lehine şâhidlik yapılan kimesneyi de vasiyyetinin tenfîzine vasiyy-i muhtâr kıldı. O da vesâyet-i mersûmeyi kabûl edip hizmet-i lâzımesini edâyı ta‘ahhüd etti. Şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fî evâsıtı Zilka‘de eş-şerîfe sene isneyn ve ışrîn ve elf. Şuhûdü’l-hâl: El-Hâc Musa b. Ali, Seyyid Mehmed Çelebi b. Seyyid Mustafa, el-Hâc Mehmed b. Ali