Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 139 Hüküm no: 145 Orijinal metin no: [50b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sefer b. Abdülvehhâb’ın müteveffâ Ahmed’in terekesinde ödünçten alacağı olduğu Ebî Eyyûb el-Ensârî -radiye anhu Rabbühü’l-Bârî- sükkânından olan Ahmed b. Dursun ve Ebûbekir b. Muharrem nâm kimesneler meclis-i şerî‘at-i şerîfe-i garrâ ve mahfil-i tarîkat-i münîfe-i zehrâda hâzırân olup, babaları medîne-i mezbûre mahallâtından Câmi‘ mahallesinde bundan akdem vefât eden Ümmühâni ve Fâtıma bintey Ahmed nâm sagīreyne kıbel-i şer‘-i şerîfden mansûb vasî olan Osman b. Abdullah nâm hasm-ı câhid mahzarında, hâmilü hâze’l-kitâb Sefer b. Abdülvehhâb’dan sâdır olan da‘vâ-yı sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, lehine şâhidlik yapılan mezbûr Sefer’in müteveffâ-yı merkūmun muhallefâtında karz-ı şer‘î cihetinden râyicü’l-vakt altı bin akçe-i Osmânî lâzımü’l-edâ ve vâcibü’l-kazâ hakkı vardır. Müdde‘î-i mezbûra, meblağ-ı merkūmu kısmen ya da tamâmen müteveffâ-yı mesfûrdan almadığına, hibe etmediğine, zimmetini ibrâ etmediğine ve bi vechin mine’l-vücûh ıskāt etmediğine dâir yemîn verilmesinden sonra, şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın mûcebince meblağ-ı mezbûrun muhallefât-ı merkūmdan müdde‘î-i mezbûra edâsına hükm edildi. Cerâ zâlike ve hurrire fî 18 min Şevvâl sene selâse ve ışrîn ve elf. Şuhûdü’l-hâl: Veli b. İbrahim, İbrahim b. el-Kâtib, Hacı Mustafa b. Abdullah, Mehmed b. Dursun.