Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 44 Hüküm no: 19 Orijinal metin no: [4b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Surre-i hümayunun güvenliğinin sağlanması Üsküdar’dan Şam-ı Şerîf’e varınca yol üzerinde yemîn u yesârında mütesellimler ve kethüdâ yerleri ve yeniçeri serdârları ve havâss ve evkāf zâbitleri ve a‘yân-ı vilâyet -zîde kadruhüm- tevkī‘-i refî‘-i hümâyûn vâsıl olıcak ma‘lûm [ola ki] Haremeynü’ş-Şerîfeyn ahâlîsine alâ-vechi’l-mu‘tâd irsâl oluna gelen surre-i hümâyûn-ı inâyet-makrûnum işbu sene-i mübârekede dahi hazîne-i âmiremden an-nakdin ihrâc ve dergâh-ı mu‘allâmdan gediklilerinden ve hâssa kişverlerimden surre emîni nasb olunan kıdvetü’l-emâcid ve’l-a‘yân Ömer -zîde mecdühû-ya teslîm olmağın ve azîmet etmekle yollarda menâzillerde emîn mahâlle kondurup yanına kadr-ı kifâyeden ziyâde gecelerde adamlar koşup ve muhâfaza etdirdesiz ve konaklardan müft ü meccânen mevâdd-ı vefîre? mutâlebesinden ve âhar vechile zulm ü ta‘addîden ziyâde ihtirâz eyleyesiz ve’s-selâm. Tahrîren evâsıt-ı Recebi’l-ferd li-sene semân ve seb‘în ve mi’ete ve elf. Safha-i gerdûn be-rû-yi ...? ve li-küllî nasbin lâ-büdde min-azlin ...? ketebetü’l-fakīr ileyhi azze şânuhu. İmamzâde Ahmed Said el-müvellâ hilâfeten bi-nâhiyeti Adalar sâbıkā. Be-makām-ı [İslambol].